Facebook
Twitter
RSS
राजतन्त्र फर्काउने चलखेल गरे नार्गाजुन दरवारमा बस्न नदिनेःप्रम भट्टराई
काठमाडौ, कात्तिक २३ । प्रधानमन्त्री डा.बाबुराम भट्टराईले पुर्वराजा ज्ञानेन्द्र शाहले राजतन्त्र फर्काउने चलखेल गरे नार्गाजुन दरवारमा बस्न समेत नदिने चेतावनी दिनु भएको छ ।
राजधानीमा नेपाल पव्लिक क्याम्पस सघंको नवौ राष्ट्रिय महाधिवेशन उद्घाटन समारोहमा उहाँले पुर्वराजाले केही दिन अगाडी चितवनको दियालो बंगलामा बास बसेर शुरु गरेको तराई यात्रालाई प्रतिगामीको संज्ञा दिनुभयो । प्रधानमन्त्री भट्टराईले दियालो बंगला सरकारको स्वामित्वमा आईसकेकोले अब आईन्दा सो बंगलामा प्रबेश गर्न नदिईने बताउनुभयो ।
प्रधानमन्त्री भट्टराईले विपक्षी दलहरुले दलिय स्वार्थमा बजेट रोकेर मुलुकको आर्थिक समृद्धिमा आघात पार्न खाजेको आरोप लगाउनुभयो । कार्यक्रममा शिक्षाविद्हरुले उच्च शिक्षा, सामुदायिक र सरकारी विद्यालयहरुलाई अलग रुपमा व्यवस्थापन गर्नुपर्नेमा जोड दिनुभयो ।
